Zerdûşt

Erê Hurmuz tu hatî
Bi xêr û xweşî hatî
Li welatê şevêzeng
Tu roja nûhilatî
Îro pîr hate Laleş
Ronahî da şeva reş
Li asmanê çîk sayî
Cot xuya bû roja geş

Pîrê min Zeradeşt e
Şûn warê wî bihişt e
Hemî rûbar û kanî
Hemî seyran û geşt e

Îro şêrîn Newroz e
Pîrê min bi koloz e
Barê wî bi Laleşê
Bergeha wî pîroz e

Pîrê min çendî ciwan î
Pîrê hemî merdan î
Bi xemla xwe ya pîroz
Ronahiya çavan î

Erê Hurmuz bihar hat
Ehrîman çû ji welat
Bo welatê şevtarî
Tu yî roja nûhilatî
Helbest: Dildar Şeko
Muzîk: Reşo

Xanima Osmanliya
Keçê dînê ava Diyarbekir rabûye
Him û guma wê ye
Li ser serê min û te zalima qe rê nedaye
Qurban heta sala çûnê
Taximê bax û boxazê memkê te ye
Gul û mirwarî xweşikê min bû
Wê lê lê îro çend roje nizam kê konê xwe li ser dadaye
Ax de were lê lê
Ez aşiqê bejn û bala te me
Ax ji min ra bêje lê lê
Hay hay hay hay

Xanimê dev piçûkê
Wey xanimê dev piçûkê
Destê xwe bide destê mina
Herin xopana Dêrikê
Bavên eskerê gumrikê
Çû Midyadê gilî bike
Berê xwe da cem hakim
Bi ramûsankê razî dike
Xwe ji Rûto berdide
Li ser Xidirko qeyd dike
Derdê dila xanimê hay hay hay hay

Keçê dînê çiya li ser çiya dikir gazî
Qurban ji eşqa dilê min û te ra
Daran pelê xwe weşandin
Mane rût û tazî

Keçê te goştê laşê min helandî
Tu ji hestîkê min çi dixwazî
Ax lê de were lê lê
Wez meraqliyê te me lê lê
Wez aşiqê bejn û bala te me ax
Ji min re bêje lê lê hay hay hay...

Xanima Osmanliya
Wey xanima Osmanliya
Qirik dirêj, çar tilî ya
Dostê Xidirkê Omeriya
Ketim dilê min êşiya
Kabikê min l***8217;rê heliya
Reha navê min qetiya
Derdê dilan xanimê
Gotin û Muzîk : Xidirkê Omerî
Aranje : Reşo

Xewna me
Xewn e hemî êşa me
Xewn e zîndan û kerba min
Çawan jî gîhîşte salan
Wek çarînekê dirêj serpêhatiya min

Nizanin ku çawa
Em li hev geriyan
Nizanin ku çawa
Me ji hevdu hezkir
Du keserên winda lo lo
Du parçe can
Helbest: Ahmed Arîf
Verger: Dildar Şeko
Muzîk: Reşo

Yar bêylim
Yar bêlim bêlim bêlim, bêlim lo
Yar bêlim bêlim bêlim, bêlim lo
Yar bêlim bêlim bêlim, bêlim lo

Dayê ev çi hat serê me dayê
Çend û çend salan berî wiyan
Li ser çiyayê me şerekî mezin hebû
Di wî şerî da kalik û bapîrên me serê xwe dan

Wext hate vî wextî...
Dîsa li ser çiyayên me kesk û zer şîn bû
Ji bo wê em jî ketin vî şerî
Êêê.. niha ji te ra dibêjim dayê
Mirin xweş e an jîyan
Bêje dayê bêje

Yar bêlim bêlim bêlim, bêlim lo
Yar bêlim bêlim bêlim, bêlim lo
Yar bêlim bêlim bêlim, bêlim lo

Hat kerwanê kerwanê kerwanê
Hat kerwanê Gergeran
Hat kerwanê Hêrikan
Hat kerwanê Koçgîran bêlimo***8230;

Yar bêlim bêlim bêlim, bêlim lo
Yar bêlim bêlim bêlim, bêlim lo
Yar bêlim bêlim bêlim, bêlim lo

Welle tu gunek î lawo lawo
Tu gunek î lawo lawo
Welle tu menale
Berxê min lo
Welle tu hesret î
Tu hesret î lawo lawo
Ar berdan canê we
Dijmin reş bû

Wî de malê malê malê...
Wî de malê malê malê...
Ne lê tu nedan Şayê dane kalê

Wî de mîran mîran mîran...
Nê le caran tirk ji me ra nebû cîran
Tu mala xwe barke were
Macîran
Li cem min bibe cîran
Wi de malê malê malê...
Wi de malê malê malê...
Ne lêê tu nedan Şayê dane kalê
Gotin û Muzîk : Gelêrî û Reşo

Gulfiroş
Ez ji xew rabûm
Min gulfiroşek dî
Pir gelek şa bûm
Gul bi dil didî

Hebû me yek dil
Tev jan û kul bû
Nebûme bawer
Gul bi dil didî

Bazar me kir go:
***8221;Ser bi ser nadim***8221;
Ê gulperest bî
Can bi dil didî

Min go kî didî
Can û gul bi dil?
Go ev bazar e
Dil bi gul didî

Min can û dil dan
Dil kiriye qêrîn
Go ho Cegerxwîn
Dil bi gul didî
Helbest: Cegerxwîn
Muzîk: Reşo

Yar gijlokê
Yar gijlokê gijlokê
Yar gijlokê baranê
Te digot pelkê darê
Yar gijlokê baranê
Xew xweş e li paşla yarê
Yar gijlokê baranê

Yar gijlokê gijlokê
Yar gijlokê baranê

Te digot pelkê guzê
Yar gijlokê baranê
Xew xweş e li paşla qîzê
Yar gijlokê baranê